Ish-deputetja Donika Kadaj-Bujupi ka bërë thirrje që të ndihmohet i riu Astrit Islami që është diagnostikuar me sëmundjen e rëndë të leukemisë akute.
“Astrit Islami është një i ri që është diagnostifikuar me sëmundjen e rëndë të leukemisë akute. Nga kolegia ish-deputete, Ganimete Musliu, jam ftuar që të ndihmojë në rastin e tij. Për shërim, Astritit i duhen 110 mijë euro, shumë e madhe dhe e papërballueshme për familjen e tij. Unë do t’i përgjigjem kësaj thirrjeje për ndihmë. Dëshiroj nga thellësia e zemrës që të mblidhen paratë e nevojshme, Astriti të shërohet dhe t’i kthehet familjes e jetës së tij rutinore. Dua të them po ashtu: është fatkeqësi e madhe që edhe sot qytetarët e prekur nga sëmundje të rënda, shërimin ta kërkojnë jashtë Kosovës dhe përveç kësaj nuk i kanë të mbuluara as shpenzime”, ka shkruar Kadaj Bujupi në profilin e saj në Facebook.
Ajo ka shkruar se ish-ministrat e shëndetësisë duhet t’i ndihmojnë Astritit, dhe ka nominuar ata.
Konsideroj që një pjesë të përgjegjësisë së madhe për këtë gjendje në shëndetësinë tonë, e bartin edhe ish-ministrat e këtij sektori, prandaj që t’i ndihmojnë Astritit nominoj:
Uran Ismailin, Imet Rrahmanin, Alush Gashin, Ferid Aganin, Numan Baliqin.
Astriti është diagnostikuar me sëmundjen Leukemi Akute dhe është duke u trajtuar në Turqi. Shërimi i tij kushton 110 mijë euro, shumë të cilën familja nuk e ka.
Për më shumë detaje mund të kontaktoni në numrin e babait të Astritit: 049848609
Ta ndihmojmë Astritin të kthehet në punën e tij si inxhinier i shkencave kompjuterike.
