Kryetari i Lëvizjes Vetëvendosje, Albin Kurti gjatë ditës së sotme do të marrë pjesë në Vllahi të Bajgorës, komuna e Mitrovicës për të biseduar me qytetarët lidhur me Trepçën dhe këtë komunë, shkruan Gazeta Blic.
Kështu ka njoftuar edhe kryetari i kësaj komune, Agim Bahtiri i cili ka shkruar se nisja bëhet në mënyrë të organizuar nga Mitrovica (përballë Raiffaisen Bank apo ish-hotelit Adriatik), në ora 09:00, ndërsa kthimi në ora 15:00.
“Së bashku me Kryeministrin në ardhje Albin Kurti do të qëndrojmë në Vllahi të Shalës së Bajgorës, për të bashkëbiseduar për Trepçën, Mitrovicën dhe gjithë Kosovën.
Ejani së bashku me ne në piknik, të bashkohemi me të drejtën e të drejtin, me të mirën që po vjen.
Nisja bëhet në mënyrë të organizuar nga Mitrovica (përballë Raiffaisen Bank apo ish-hotelit Adriatik), në ora 09:00, ndërsa kthimi në ora 15:00”, ka shkruar ai./Gazeta Blic
