Kanë mbetur edhe pak orë deri në mbylljen e afatit për paraqitjen e koalicioneve në Komisionin Qendror të Zgjedhjeve.
Sonte në mesnatë do të definohet gjithçka sa i përket koalicioneve të partive në prag të zgjedhjeve të përgjithshme të jashtëzakonshme, raporton Indeksonline.
Deri tani, zyrtarisht kanë ndodhur dy koalicione, Aleanca për Ardhmërinë e Kosovës me Partinë Social Demokrate dhe koalicioni tjetër Nisma Socialdemokrate me Aleancën Kosova e Re.
Në bisedime për një koalicion të mundshëm parazgjedhor është edhe Lidhja Demokratike e Kosovës me Lëvizjen Vetëvendosje.
Ndonëse dje kishte deklarata se koalicioni LDK-VV do të ndodhë, sot dy partitë opozitare po këmbëngulin te posti i kryeministrit.
LDK kërkon që kryeministre të bëhet Vjosa Osmani ndërsa VV e dëshiron liderin e saj, Albin Kurti në krye të qeverisë./Indeksonline/
