Anëtarja e Kryesisë së LDK-së, Vjosa Osmani, ka thënë se në ditët në vijim do të vendoset se kush do të jetë kandidat i LDK-së për Kryeministër të Kosovës.
Ajo nuk ka dashur të komentojë pse Lutfi Haziri dhe Agim Veliu nuk morën pjesë në mbledhjen e Kryesisë derisa ka sugjeruar të pyeten ata për këtë mungesë, njofton Klan Kosova.
“Ende nuk kanë përfunduar temat për të cilat kemi diskutuar, besoj se prononcimet do t’i merrni ndërkohë. Këto vendime do të merren shumë shpejt, besoj në ditët në vijim”.
Vjosa Osmani është një prej katër kandidatëve të LDK-së për Kryeministër. Pos saj janë përmendur edhe Lutfi Haziri, Avdullah Hoti e Kujtim Shala.
