Profesori i Shkencave Politike në Universitetin e Parisit, Nezir Kraki, përmes një postimi në Facebook ka komentuar shpërndarjen e Kuvendit.
Sipas tij, prej 120 deputetëve, as 20 prej tyre s’kanë qenë të denjë për postet e tyre.
“Aty kishte nga deputeti WANTED në listat e zeza amerikane deri te deputeti i paskrupullt që i merr 48- rroga gjatë dy vjetëve pa i nxjerr as 48 germa nga goja”, ka shkruar ai.
Postim i plotë:
Qafen e thefshin!
N’fakt, Kosova ka vite që funksionon pa parlament. N’atë sallë gjithmonë ka pas rroga, meditje, shitblerje, injorancë, krim, banditizem, turp e gjithçka tjetër përveç përfaqësim të interesit të popullit.
N’atë sallë, nga 120 persona as 20 nuk kanë qenë të denjë për postet e tyre. Seancat e asaj salle kanë qenë sa të gërditshme për popullin aq edhe qesharake për botën. Aty kishte nga deputeti ËANTED ne listat e zeza amerikane deri te deputeti i paskrupullt që i merr 48 rroga ne dy vite pa i nxjerrë as 48 germa nga goja.
Qafen e thefshin!
Kosovës i duhet një Kuvend që përfaqëson interesin e qytetarit jo një sallë e mbushur me krijesa aksidentale që na bëjnë gaz t’botës.
