Që nga e enjtja e kaluar, Harbin Vitija vazhdon të jetë në gjendje të rëndë shëndetësore, pas plagëve të rënda që mori në lagjen Bregu i Diellit në Prishtinë.
Lidhur me gjendjen e tij, detaje kanë dhënë nga Klinika Intensive në Qendrën Klinike Universitare të Kosovës (QKUK).
“Pacienti po vazhdon të marrë trajtimin mjekësor në njësinë e mjekimit intensiv. Gjendja e përgjithshme e pacientit është e rëndë. Ai vazhdon të qëndrojë i fjetur me barna, i kyçur për aparatura mjekësore dhe i varur nga aparaturat. Vazhdon të marrë tretmanin mjekësor dhe t’i kryejë të gjitha ekzaminimet laboratorike, radiologjike të nevojshme. Gjendja e tij është edhe më e rëndë.”, ka thënë në një prononcim për IndeksOnline, Shaqir Uka- shef i mjekimit intensive.
Vitija i nohur me nofkën “Plaku”, u qëllua nga persona të maskuar, të cilët janë ende në arrati.
Harbin Vitija është një person i njohur për organet e rendit dhe rrethin shoqëror, i cili nga viti 2016 është përfshirë në disa raste që lidhen me botën e krimit.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata./IndeksOnline/
