Ka ndërruar jetë gruaja A. L e lindur në vitin 1965, e cila dy javë e parë është hospitalizuar në QKUK me dyshimet se ka marrë lëndime të rënda nga bashkëshorti i saj.
Zëdhënësi i Policisë se Kosovës në Suharekë, Vesel Gashi, ka treguar që dyshimet janë se viktima është lënduar përderisa ka qenë duke udhëtuar me makinë me bashkëshortin.
Sipas tij, dyshimet e para janë që pjesa me e madhe e lëndimeve i janë shkaktuar në zonën e kokës.
“Bashkëshorti është në mbajtje që nga 31 maji, ndërsa viktima ka qenë e shtrirë për trajtim në QKUK. Me urdhër të prokurorit trupi dërgohet për autopsi”, ka thënë Gashi për Kohën Ditore.
Ai nuk ka komentuar informatat e gazetës se gruaja është hedhur në rrugë nga bashkëshorti, përderisa vetura ishte në lëvizje.
Sipas tij, këto informata do të hetohen e konfirmohen në fazat me të vonshme të hetimeve.
