Ka shkuar në 19 numri i policëve të arrestuar sot në aksionin në Veri.
Burime të Indeksonline bëjnë të ditur se njëri nga personat e kërkuar ka qenë edhe Shefi i Njësisë Patrolluese Kufitare në Veri, Rade Radosavleviq, por që i njëjti ka ikur dhe ka qenë i pamundur sot arrestimi i tij.
Togeri Rade Radosavleviq njihet si njëri nga bashkëpunëtorët më të afërt të Milan Radojçiq.
I njëjti ka qenë i dyshuar për aktivitete të dyshimta në Veri që ndërlidhen me krim e korrupsion.
Poashtu, arrestimit i është shmangur edhe Milan Jovanoviq, zyrtarë i lartë policorë në Veri i cili gjithashtu ka qenë i dyshuar për aktivitete të lidhura me krim e korrupsion./Indeksonline/
