Raportimi i presidentit të Kosovës, Hashim Thaçi para anëtarëve të Komisionit Hetimor Parlamentar për çështjen e Gylenistëve, ka bërë që të përplasen deputetët ndërmjet vete.
Ishte fillimisht deputeti i AAK-së, Muharrem Nitaj ai i cili e ka kundërshtuar deklaratat e deputetit të VV-së, Xhelal Sveçla në lidhje me ekspertin e angazhuar.
“Nuk kemi shumë informata për ekspertin ndërkombëtar nuk kemi interpetim të asnjë zyreje ligjore”, tha Nitaj, raporton Gazeta Blic.
I menjëhershëm ka qenë reagimi i deputetit të VV-së, Xhelal Sveçla.
“S’është e vërtetë çka tha Nitaj, kemi kontaktuar me Zyrën ligjore të Sekretarisë së Kuvendit”, tha ai.
Pas kësaj, ka reaguar deputeti i PDK-së, Hajdar Beqa.
“Ju Xhelal Svecla e angazhuat ekspertin, e nuk e dime se kush është, e dimë që ka punuar në zyrën e Avokatit të Popullit, e as s’e dijmë a punon për agjenci të huaja a shërbim inteligjent”, tha ai, raporton Gazeta Blic.
Ndërsa, presidenti i vendit, Hashim Thaçi para anëtarëve të Komisionit të përkohshëm hetimor parlamentar për çështjen e dëbimit të shtetasve turq, ka theksuar se ai është i gatshëm që deri në mëngjes t’u përgjigjet deputetëve, por tha se e ka një kusht, raporton Gazeta Blic.
“Jam i gatshëm që deri në mëngjes të ju përgjigjem, por jo pa e ditur kush është eksperti dhe a është kërku interpretim ligjor për angazhimin e tij”, ka theksuar Thaçi.
