Manchester United pret Barcelonën në “Old Trafford” për ndeshjen e parë çerekfinale të Champions League. Një sfidë që për Lionel Messin rindizet edhe një herë pas dy finaleve të fituara.
Ishte 29 prilli i vitit 2008 kur United do të përballej me katalanasit dhe kjo ishte ndeshja e fundit që Ronaldo dhe Messi u përballën me njëri-tjetrin, teksa portugezi ishte lojtar i “Djajve të Kuq”.
Në atë sfidë Messi ishte vetëm 20 vjeç dhe Paul Scholes kishte detyrën ta markonte në çdo centimetër të lëvizjeve të tij. Gjithsesi talenti dhe shpejtësia në veprime e argjentinasit e bënë të pakapshëm nga një mesfushorë legjendë si Scholes.
Një ndeshje fantastike e sulmuesit të Barcelonës, që krijoi çdo rast dhe mundësi shënimi, por që ende nuk kishte pjekurinë për të finalizuar aksionet e tij. Gjë që e bëri në finalen e vitit 2009 dhe në atë të vitit 2011.
Kjo ishte ndeshja e parë e Messit që mrekullonte botën në një prej stadiumeve më legjendare, një si “Old Trafford”, ku para pati një digë si Rio Ferndinand dhe mesfushorë si Park Ji Sung dhe Scholes që e markonin në çdo moment.
