Menaxheri 23 vjeçar që po përkujdeset për ta rikthyer Vushtrrinë në Superligë.
Vushtrria është në rrugë të mirë që të rikthehet në elitën e futbollit kosovar.
Skuadra e trajnerit Samuel Nikaj ka pasur një edicion fantastik në Ligën e Parë dhe me meritë kryeson tabelën në këtë rang garash.
Por, një pjesë e madhe e suksesit i adresohet edhe menaxherit, Arian Imeri.
Ndonëse i ri në moshë, vetëm 23 vjeçar, Imeri ka marrë përsipër që të përkujdeset për organizimin e klubit, transferet e shumë gjëra tjera që kanë të bëjnë me Vushtrrinë, shkruan Gazetasheshi.com.
Kryesia e klubit ia besoi detyrën 23 vjeçarit, i cili po ua shpërblen në mënyrën më të mirë.
Ariani është familjar i Naser Imerit, kryetarit të klubit i cili nuk po kursen asgjë për ta parë Vushtrrinë në Superligë.
