Grabitje brenda në pistën e aeroportit të Rinasit. Persona të maskuar dhe të armatosur kanë grabitur makinën e blinduar me të cilën po transportoheshin paratë e një banke të nivelit të dytë. Ka pasur rezistencë dhe të shtëna me armë, dhe për pasojë ka mbetur i vdekur një nga grabitësit.
Grabitja ndodhi rreth orës 15:00. Sipas informacioneve paraprake nga gazetari i Report Tv, Arsen Rusta, grabitësit kanë qenë të maskuar dhe të armatosur. Nën kërcënimin e armëve kanë mundur të marrin thasët me paratë, në një shumë që dyshohet të jetë rreth dy milionë euro. Firma private që transportonte lekët është “Nazeri”.
Autorët kanë mundur të largohen nga vendi i ngjarjes ndërsa forca të shumta policie janë në postblloqe për të bërë të mundur kapjen e tyre.
Foto nga vendi i ngjarjes
kontrollet e policisë
Rinasi i grabitjeve
Në 9 shkurt 2017 dy makinë të blinduara që transportonin paratë e Bankës Kombëtarë Tregtare drejt Aeroportit të Rinasit u grabitën 2.7 milionë Euro që do dërgoheshin në Austri.
Ndërsa në 3 Dhjetor të vitit 2015 u sulmua me armë ekskorta e vlerave monetare Rogat Security, në aksin Tiranë – Rinas, në afërsi të Qafës së Kasharit kur persona të veshur me uniformë policie arritën të merrnin një sasi prej 3.8 milionë euro
