Të gjithë janë në pritje të ndeshjes Kosovë- Bullgari.
Përpos kombëtares shqiptare të futbollit, mbrëmja e sotme do të jetë e veçantë për kombëtaren tjetër të pjesës ku jetojnë shqiptarë.
Bëhet fjalë për skuadrën kombëtare të Kosovës, me “Dardanët” që do të debutojnë për herë të parë në kualifikueset e një kampionati Europian. Ndaj tyre do të vendoset Bullgaria, e cila vjen pas barazimit 1-1 ndaj Malit të Zi.
Të besuarit e Bernard Challandes do të kërkojnë të marrin maksimumin, të shtyrë edhe nga paraqitja fantastike në miqësoren ndaj Danimarkës, e mbyllur me rezultatin 2-2. Gjithsesi, ndaj Bullgarisë, formacioni i zvicerianit nuk pritet të pësojë ndryshime të shumta, me përjashtim të dy lëvizje.
Hekuran Kryeziu dhe Benjamin Kololli do të marrin vendin e Besar Halimi dhe Leart Paqarada, që ishin titullarë në takimin miqësor kundër Danezëve.
Ndërkohë pjesa tjetër nuk ndryshon, me Kosovën që pritet të zbres në fushën e “Fadil Vokrrit” me këto futbollistë: Muric, Vojvoda, Aliti, Rrahmani, Kololli, Kryeziu, Shala, Rashica, Celina, Zeneli, Muriqi.
Takimi mes Kosovës dhe Bullgarisë do të zhvillohet mbrëmjen e sotme, duke nisur nga ora 20:45.
