Qarkullimi i një fotografie gjatë ditës së djeshme të një darke mes kryetarit të Gjilanit, Lutfi Haziri, Sami Lushtakut, Sylejman Selimit, Ukë Rugovës dhe disa personalitete të tjera, ka shtyrë edhe të parin e LDK-së ta komentojë një gjë të tillë.
Në fotografinë në të cilën personalitetet e lartpërmendura shihen duke pirë verë dhe duke ngrënë darkë, i pari i LDK-së, Isa Mustafa tha se nuk i takon ta komentojë një gjë të tillë. Tha se është lajmëruar nga nënkryetari i LDK-së, Lutfi Haziri se para dy ditësh ka shkuar në Zvicër në një vizitë familjare.
“Z. Haziri para dy ditësh më dërgoi mesazh që këto ditë do të jenë në Zvicër dhe ai është në Zvicër dhe ka deklaruar se ajo foto nuk është aktuale. Për këtë arsye ai nuk ka qenë këtu”, tha Mustafa. Për këtë dje reagoi edhe i pari i Gjilanit, Lutfi Haziri i cili tha se nuk është në Kosovë dhe se fotografia nuk është aktuale.
Kujtojmë se Sami Lushtaku ishte kryetar i Skenderajt nga radhët e PDK-së, parti kjo për të cilën Haziri kohë pas kohe jepte kritika.
