Gjatë ditës së sotme janë mbajtur zgjedhjet për fshatin Plluzhinë e Llaushë të Skenderajt, shkruan Drenica Press.
Me këtë rast kryetari i PDK-së në Skenderaj, Sami Lushtaku ka uruar qytetarët e këtyre fshatrave për zgjedhjet dhe gjithashtu ka shprehur falenderimin për përkrahjen e dhënë ndaj kësaj partie.
“Pjesëmarrja masive e qytetarëve në projektin “Dekada e Re”, tregon fuqinë reale në terren të Partisë Demokratike të Kosovës, në Skenderaj dhe gjithandej Kosovës. Faleminderit qytetarëve të Llaushës dhe Plluzhinës për mbështetjen që na kanë dhënë për gati 20 vite, mbështetje e cila çdo ditë e më tepër po rritet dhe masivizohet si për nga masa ashtu edhe për nga vlera. Këto zgjedhje të brendshme në PDK janë shëmbull i garës fer e demokratike. SL”
