Gjuajtja me armë që ka ndodhur në odën e zëvendëskryeministrit Fatmir Limaj tani është vërtetuar plotësisht dhe pranuar nga zëvendëskryeministri, njëherësh ministri Diasporës, Dardan Gashi dhe ministri i Tregtisë dhe Industrisë, Endrit Shala, transmeton Gazeta Metro.
Ministri Shala fillimisht është arsyetuar se kanë gjuajtur me armë pa e ditur që kjo përbën vepër penale, kurse zv/kryeministri Gashi e ka pranuar veprën.
Të gjithë të akuzuarit e tjerë, Behar Amerllahu, Fadil Demiri dhe Sherif Kastrati kanë pranuar veprën penale për gjuajtje më armë.
I vetmi që ka vendosur të mbrohet në heshtje është Sami Lushtaku, i cili ka vendosur që të mos thotë asnjë fjalë.
Prokuroria e Gjakovës kishte ngritur aktakuzë ndaj Dardan Gashit, Sami Lushtakut dhe Endrit Shalës, për posedim të paautorizuar të armëve, pasi që të njëjtit ishin parë në një video duke festuar në odën e Fatmir Limajt./gazetametro.net
