Kryetari i Skënderajt, Bekim Jashari, ka pritur në zyren e tij ish-komandantin e përgjithshëm të UÇK-së, Sylejman Selimin.
I pranishëm në këtë takim ishte kryetari i Drenasit, Ramiz Lladrovci, raporton lajmi.net.
Përmes një postimi në Facebook, Jashari ka bërë të ditur se Sylejman Selimit i ka ndarë stemën e komandantit legjendar, Adem Jasharit.
Ky është postimi i plotë i Jasharit në Facebook:
Kënaqësi ta presim në zyre me nënkryetarin Nuredin Lushtaku, ish-komandantin e përgjithshëm të Ushtrisë Çlirimtare të Kosovës, gjeneral Sylejman Selimi, i shoqëruar nga kryetari i Komunës së Drenasit, Ramiz Lladrovci, e ku ishte i pranishëm edhe deputeti Bekim Hahiu.
Kontributi i gjeneral Selimit është i njohur dhe i vlerësuar nga të gjithë ne.
Ka vuajtur shumë në këto vitet e fundit, madje edhe në aspektin shëndetësor, por tanimë ai duket se qëndron shumë mirë.
Për kontributin që gjenerali ka dhënë në luftën çlirimtare dhe në Forcën e Sigurisë së Kosovës, si kryetari i Komunës, i dhurova stemën e komandantit legjendar të Ushtrisë Çlirimtare të Kosovës, Adem Jashari. /Lajmi.net/
