Gjykata Speciale ka filluar me thirrjen e dëshmitarëve për të dëshmuar për krime të luftës. E i ftuari i radhës është ish-luftëtari i UÇK-së, Isuf Gashi- Baca nga komuna e Rahovecit, raporton Gazeta Blic.
Lajmin për këtë e ka bërë të ditur Organizata e Veteranëve të UÇK-së në këtë komunë ku ka shkruar se ai do të intervistohet ditën e nesërme.
Isuf Gashi ishte ushtar i celulave të para të UÇK-së, njëri ndër themeluesit e Shtabit Regjional në Drenoc të Rahovecit ku si rrjedhojë ishte formuar edhe Brigada 124 “Gani Paçarizi ” e më vonë edhe Zona Operative e Pashtrikut.
Isuf Baca është invalid i luftës i cili u plagos rëndë në vitin 1998./Gazeta Blic
- Advertisement -
