Komuna e Skenderajt me rastin e 11 vjetorit të Pavarësisë së Kosovës ka paralajmëruar disa aktivitete duke filluar nga 14 Shkurti.
Përmes një postimi në ‘Facebook’, kjo Komunë ka publikuar agjendën e aktiviteteve të organizuara me rastin e 17 Shkurtit.
Sipas njoftimit, me datë 14 Shkurt në orën 11:00 do të mbahet ‘Ekspozitë e artistëve që kanë punuar në kolonitë e artisteve’ në Qendrën e Kulturës ‘Hasan Prishtina’.
Ndërkaq, Qendra Rinore Publike në këtë komunë, ka organizuar lojën ‘LUDO’ e cila është paraparë të zhvillohet në sheshin ‘Adem Jashari’ me datë 15 shkurt nga ora 11:00.
Aktivitetet tjera që janë paralajmëruar janë ‘Turneu në futboll të vogël Kupa ’Pavarësia’ Gjysmëfinalet dhe finale’ në sallën e shkollës Profesionale, në orën 16 shkurt nga ora 11:00.
Kurse me 17 shkurt, duke filluar nga ora 09:00 do të bëhen homazhe para shtatores se Komandantit Adem Jashari në sheshin qe mban emrin e tij, pastaj në Kompleksin memorial në Prekaz dhe në Memorialin e dëshmorëve në Marinë. Komuna e Skenderajt ndër tjerash ka paralajmëruar seancë solemne, koncert dhe vizitë të familjet e dëshmorwve.
