Rritja e pagave në sektorin publik, shpenzimet e tepërta në autostrada e infrastrukturë, sipas ekspertëve mund ta dërgojnë vendin drejt falimentimit, transmeton Gazeta Metro.
Berat Rukiqi, kryetar i Odës Ekonomike të Kosovës, ka thën për Koha Ditore se rritja e pagave në sektorin publik, shkon në dëm të projekteve kapitale që kanë rëndësi për ekonominë dhe përkrahje të koeficientëve, që në masë të madhe kanë shkuar në kategori që nuk kanë treguar efikasitet në punë.
Në intervistën për gazetën “Koha Ditore” ai ka thënë se lëshimi “pe” nga Qeveria karshi presionit të punësuarve në sektorin publik, ka krijuar precedent negativ, të cilët sipas tij do të mund të përsëritën edhe në implementim projektligjit për pagat.
Ai ka theksuar se Kosova deri tash ka pasur stabilitetit makrofiskal, por në rast se ky cikël nuk ndalet do të vijmë rrezikohet qëndrueshmëria e vetë shtetit.
Rukiqi gjatë intervistës ka folur edhe për ndikimin që do të ketë rritja e mundshme e pagës minimale dhe për efektet që ka prodhuar taksa prej 100 për qind për produktet serbe.
Ka përmendur nevojën për tërheqjen e investimeve të reja dhe rrezikun për tatime shtesë shkaku i mbulueshmërisë së shpenzimeve të krijuara në sektorin publik.
