Policia e Kosovës ka bërë të ditur se në dy lokacione të ndryshme në Tërstenik të Drenasit ka konfsikuar armë, transmeton Gazeta Drenica Press
Në njoftimin zyrtar shkruan:
Fshati Tërstenik, Drenas 31.01.2019 – 21:10.Me urdhrin e gjyqtarit të procedurës paraprake, nga Policia është bërë kontrollimi-bastisja e shtëpisë dhe objekteve përcjellëse të personit të dyshuarit mashkull K/Shqiptar, me ç’rast i janë gjetur dhe i janë sekuestruar: dy armë-revole, njëra e kal.9mm, me një karikator dhe shtatë (7) fishekë dhe tjetra kal. 7.65mm, një karikator me katër fishekë. Gjithashtu inspektorët komunalë-Drenas, ia kanë mbyllur një lokal pronë e të dyshuarit i cili punonte pa dokumentacion. I dyshuari pas arrestimit dhe intervistimit me vendimin e prokurorit lirohet në procedurë të rregullt.
Fshati Tërstenik, Drenas 31.01.2019 – 22:25.Gjatë legjitimimit dhe kontrollimit të personave të një lokali nga Policia tek i dyshuari moshë e mitur mashkull K/Shqiptar, në trup i është gjetur dhe konfiskuar një armë-revole e llojit:’”Ecol”, kal. 9 mm, me një karikator me pesë fishek. I dyshuari pas arrestimit dhe intervistimit me vendimin e Prokurorit, lirohet në procedurë të rregullt. Gjithashtu Inspektorët komunal-Drenas, i kanë mbyllur lokalin pronarit të lokalit mashkull K/Shqiptar, i cili punonte pa dokumentacion.
Pos konfiskimit të armëve, policia shkruan se ka arrestuar edhe një person të kërkaur po në këtë fshat, për një vepër tjetër.
Fshati Terstenik, Drenas 31.01.2019 – 22:40. Në bazë të urdhëresës lëshuar nga Gjykata Themelore në Prishtinë-dega Drenas, është arrestuar i kërkuari mashkull K/Shqiptar, i njëjti është dërguar në vuajtje të dënimit në burgun e Dubravës. /Drenica Press/
