Grupit parlamentar të Partisë Demokratike të Kosovës në Asamblenë Komunale të Drenasit, i është bashkuar edhe një asamblistë nga opozita, duke u bërë pjesë e PDK-së, konfirmon kryetari i Komunës së Drenasit, Ramiz Lladrovci, përcjell Drenicapress.info
Me rastin e aderimit në Grupin Parlamentar të PDK-së, të asamblistit Arigon Sinani nga Nisma, kryetari Ramiz Lladrovci, në rrjetin social ka shkruar:
Në Drenas, edhe një deputet i opozitës i bashkohet PDK-së
Sot, radhëve të Grupit parlamentar të PDK-së, në Asamblenë komunale të Drenasit, iu bashkua deputeti Arigon Sinani, ish deputet i Nismës. Faleminderit për besimin e dëshmuar Arigon, je i mirëseardhur!
Ky lajm është i mirë për unitetin në Drenas, për ligjet dhe projektet që na presin gjatë vitit 2019. Arigoni së bashku me deputetët tjerë, do të japë kontributin e tij për mirëqenien e komunës tonë, duke e zhvilluar komunën pa dallim.
Drenica dje ishe bastion i UÇK-së, sot dhe nesër, Drenica mbetet bastion i PDK-së!
