Vitet e 90’-ta ishte periudha kur Bujar Bela nga Kaçaniku ia mësyu rrugëve të Evropës. Qëndroi në disa vende të ndryshme, mirëpo ishte shteti i Gjermanisë ai i cili i dha shumë ta mira Belës.
Punoi si kamerier, menaxher, ndërsa tani Bujari menaxhon njërin prej restoranteve më me emër në gjithë Berlinin.
Bëhet fjalë për “Trattoria- Portofino”, restorant me ushqime italiane ku të punësuar janë rreth 20 persona.
Mysafirët e këtij lokali janë nga më të ndryshëm; Ambasadorë, deputetë, artistë, biznesmenë të famshëm… etj.
Rreth punës efikase dhe të shkëlqyeshme kishte raportuar edhe televizioni i famshëm gjerman, “Kabel 1” i cili kishte realizuar një storje të gjatë rreth veprimtarisë së Portofinos.
Një gjë që bie në sy tek biznesi është angazhimi i jashtëzakonshëm i Bujarit. Mirësjellja ndaj mysafirëve bën që ai ta ketë gjithmonë ‘full’ lokalin. /Indeksonline/
