Deputeti i Lëvizjes Vetëvendosje, Liburn Aliu, ka kritikuar kryeministrin e Kosovës, Ramush Haradinaj për çështjen e korrigjimit të demarkacionit me Malin e Zi. Ai ka thënë se Haradianj tash e 9 muaj e ka harruar korrigjimin e atij demarkacioni.
“Duke premtuar korrigjimin e demarkacionit Meha, më 21 mars 2018, koalicioni qeverisës i mashtroi deputetët dhe e ratifikoi demarkacionin e kufirit me Malin e Zi i cili ia humbi Kosovës 8.200 hektarë”, ka shkruar Aliu në Facebook.
Ai ka thënë se tash kur kanë kaluar 9 muaj nga ajo ditë, nuk ka kurrfarë korrigjimi të atij demarkacioni.
“Sot u bënë 9 muaj nga ajo ditë. Nuk ka kurrfarë korrigjimi të atij demarkacioni. Çka u bë me Çakorrin, Bjelluhën e Zhlebin kryeministër Haradinaj?”.
- Advertisement -
