Kosnett betohet si ambasador i ri i SHBA’së në Kosovë

Kosnett në rolin e ambasadorit do të jetë pasardhës i Greg Delawie që sivjet i skadoi mandati.

Në një video të Ambasadës amerikane në Kosovë, Kosnett tregon se 15 vjet më parë kishte shërbyer në Prishtinë në misionin diplomatik të Amerikës.

“Tani jam krenar që po rikthehem si ambasador për të ndihmuar që të fuqizojë miqësinë e afërt mes dy shteteve tona”, ka thënë Kosnett.

“Bashkëshortja ime, Alison, dhe unë mezi presim të eksplorojmë shtetin dhe të bëjmë shoqëri nga të gjitha komunitetet”, ka thënë veç të tjerash ambasadori i ri i SHBA-së.