Ferizaj e ka mposhtur Drenicës me rezultat 2:0 në kuadër të xhiros së tetë të IPKO Superligës, përcjellë Insporti.com.Në këtë ndeshje vendosën golat e Genc Hamitit dhe Dren Gashit.
Trajneri i Drenicës, Tahir Lushtaku, ka befasuar me deklaratën pas ndeshjes.“Dua ta pyes Afrim Tovërlanin se çka do të thotë për referimin e sotëm. Kur të anulohet një gol e rregullt, nuk e di se çka të them. Në pjesën e parë kemi luajtur mirë, kemi realizuar gol, nuk e di pse u anulua.
Pjesa e dytë ka qenë diçka tjetër. Nuk e di pse referat bëhen akterë të ndeshjes, lojtarët duhet të jenë akterë të ndeshjes. Është koha e duhur që FFK të marrë masa. Duhet ta dimë se ka po shkojmë. Gjyqtari anësor nuk e meriton të jetë në Superligë. Është turp për FFK-në të delegohen gjyqtarë të tillë”, theksoi Tahir Lushtaku për SuperSport Kosova, përcjell Insporti.com.
