Ish-luftëtari i Ushtrisë Çlirimtare të Kosovës, aktualisht deputet i Kuvendit të Kosovës nga radhët e Aleancës për Ardhmërinë e Kosovës, Daut Haradinaj, ka folur për listat e fryra të veteranëve të luftës së UÇK’së.
Haradinaj ka thënë në emisionin “Pressing”, me Leonard Kerqukin, në televizionin T7, se nuk pajtohet me vlerësimin se UÇK’ja kishte vetëm 12.700 ushtarë.
Ai ka thënë se nuk qëndron deklarata e dhënë për Gazetën Express, nga ish-komandanti i UÇK’së, Sylejman Selimi, për numrin e luftëtarëve.
Haradinaj ka thënë se kur të lirohet Selimi nga burgu, do të ishte i gatshëm të debatonte me të për listat e veteranëve në studio televizive.
Për dallim prej Haradinajt, deklaratën e Selimit ditë më parë e ka mbështetur ish-bashkëluftëtari i tij, aktualisht kryetar i Partisë Demokratike të Kosovës, Kadri Veseli. /Express/
- Advertisement -
