Me të marrë lajmin se Presidenti i Serbisë, Aleksandër Vuçiq gjatë ditës së nesërme do të vizitojë fshatin Banjë të komunës së Skenderaj është paralajmëruar protestë popullore nga Shoqatat e të dalura nga Lufta e UÇK-së në Skenderaj, shkruan Drenica Press.
Përmes një njoftimi nga shoqatat e Luftës së UÇK-së Dega në Skenderaj, ftohen gjithë banorët e Drenicës që nesër në ora 06:00 të mëngjesit të dalin në sheshin “Adem Jashari” në Skenderaj, për të protestuar kundër vizitës së Presidentit të Serbisë në fshatin Banjë të Skenderajt, shkruan Drenica Press.
Në një njoftim të dalë nga këto shoqata ndër të tjera thuhet:
Nga shoqatat e dalura nga Lufta e UÇK-së Dega Skenderaj
“Të nderuar qytetar të Skenderajt, veçanarisht luftetar, invalid dhe familjar të deshmorëve. Fillimisht ju kërkojm falje që po iu shqetësojmë në këto orë të vona, por sa po morem lajmin se Aleksander Vuçiç nesër do të shkelë tokën e Drenicës. Andaj duke ju kërkuar secilit mirëkuptim në një ditë vikendi për shqetësimin tuaj, na falni por duhet të iu ftojmë në protestë sepse po vjen pa kërkuar falje një President i një shteti që ka vrarë, masakruar dhunuar popullatën e pa fajshme nga foshnja e posalindur deri tek mosha ma e shtyer, zgjohuni në këmbë të gjithë ta ndalojmë Vuçiçin që mos të shkelë në tokën e Drenicës. Asnje zyrtar i shtetit Serb që ka shkaktu dhunë dhe vujtje në Kosovë nuk do të duhej të lejohej të hynte në Kosovë pa kerkuar falje. Takohemi të gjithë në Sheshin “ADEM JASHARI” në ora 06:00 në mengjes kurse qytetaret e runikut runik për ti bllokuar të gjitha rrugët që qojnë në Banjë fshat ky në tokën arberore “o sot o kurr”
