Feronikeli ka shënuar fitoren e parë sezonale, pasi mposhti Ballkanin 1:0 në Drenas me një gol të Kastriot Rexhës të realizuar në minutën 92.
Për trajnerin e ‘Niklit’, Sulejman Starova, kjo ishte fitorja e parë në shtëpi prejse mori drejtimin e ekipit.
Një dështim i radhës do t’ia rrezikonte seriozisht vendin teknikut nga Shqipëria që pas ndeshjes ishte tejet i lumtur me trepikëshin, raporton Gazetasheshi.com.
“Kjo është java e tretë dhe skuadra është në rritje, por psikologjia është një problem. Komplimente edhe kundërshtarit sepse ishte shumë i mirë dhe na krijoi probleme. Ne ishim të pafat në fillim si zakonisht e më pas edhe pse ishim me tre mesfushorë, Ballkani reagoi mirë. Ne i shtuam përpjekjet dhe ishim të binsur se do të fitojmë dhe me fat arritëm në minutat e fundit”, deklaroi Starova për SuperSport.
“Kjo puna e shënimit te ne është bërë më shumë psikologjike, pasi ka shumë lojë deri në fund të kampionatit. Skuadra ka nevojë për moral. Duke parë si po ecën ndeshja, ne luajtëm me 7 sulmues dhe tre mbrojtës. Yll Hoxha dhe Përparim Islami ishin sulmues krahu”, përfundoi Starova.
Feronikeli ka pesë pikë pas tri ndeshjeve.
