Ismet Sinani është larguar nga Milani për t’u huazuar tek Juve.
Nuk bëhet fjalë për gjigantin italian, Juventus, por tek Juve Stabia.
Talenti kosovar e ka vazhduar kontratën me Rossoneri muaj më parë dhe ajo skadon në vitin 2021.
Por, Milani ka vendosur ta huazojë lojtarin e lindur në Belluno më 31 maj 1999 për të bërë eksperiencë në klubin ku mund të ketë më shumë hapësira.
Sinani sezonin e kaluar ka zhvilluar 24 ndeshje me ekipin e të rinjve të Milanit dhe ka realizuar 6 gola në kampionat dhe Kupë, raporton Zeri.info.
Edhe vetë futbollisti, përmes profilit të tij në Instagram e ka postuar një fotografi së bashku me Paolo Maldinin, legjendën e Milanit dhe e ka falënderuar këtë klub.
Gjithashtu, me entuziazëm e ka zyrtarizuar aventurën e re në Castellammare.
Sulmuesi i ri, i cili ka debutuar me Shqipërinë U-17 dhe U-19 së fundmi e ka veshur fanellën e Kosovës U-19 dhe U-21.
