Komuna e Drenasit organizon debat për banimin social ne Komunën e Drenasit, ndaj ftohen të gjithë qytetarët e Komunës te marrin pjesë për të diskutuar hartimin e programit tre vjeçar të banimit. Tubim me qytetarë do të mbahet me 31.08.2018 (e premte) duke filluar nga ora 10:00 në Sallën e Kuvendit.
Pas nënshkrimit të Memorandum të Mirëkuptimit, ne mes të kryetarit të Komunës, Ramiz Lladrovci dhe OJQ-së “Developing Together” i përfaqësuar nga Driton Tafallari, Komuna është e obliguar që para se hartimit të këtij programi në Kuvend, të mbaj edhe tubim me qytetarë për të diskutuar këtë draft të programit për banim, ndaj përmes këtij njoftimi, ftojmë të gjithë të interesuarit të marrin pjesë ne këtë tubim.
Ne këtë tubim do të diskutohen këto tema; prezantimi i Ligjit që e trajton Banimin Social, përgjegjësitë e Komunave të dala nga Ligji, Hartimi i Programeve tre vjeçare të banimit, kategoritë që duhet të ndihmohen, të drejtat dhe obligimet e qytetarëve kundrejt banimit social dhe prezantimi i objektivave komunale.
Ky projekt është financuar nga projekti i Shoqërisë Demokratike (DSP) i Financuar nga Agjencia Zvicerane për Zhvillim dhe Bashkëpunim (SDC) dhe Ministria e Punëve të Jashtme e Danimarkës (DANIDA) dhe menaxhuar nga Fondacioni Kosovar për Shoqëri Civile (KCSF).
