Pjesëtarë të Policisë së Kosovës e kanë vënë nën rrethim ndërtesën ku është e vendosur Zyra e Kryeprokurorit të Shtetit para se të fillojë protesta e qytetarëve në të cilën po kërkohet dorëheqja e kryeprokurorit Aleksandër Lumezi.
Protesta e cila tashmë ka nisur në sheshi “Zahir Pajaziti” po shkon drejt Zyrës së Kryeprokurorit për të përfunduar para ndërtesës së Qeverisë.
Kërkesa e protestuesve është dorëheqja e Kryeprokurorit Lumezi dhe fillimi i një procesi të vetingut në drejtësinë kosovare.
Kjo protestë mbahet pak ditë pasi prokurori special i dorëhequr, Elez Blakaj, akuzoi Kryeprokurorin Lumezi për ndërhyrje në hetimet në rastin e listave të veteranëve të UÇK-së./kallxo.com/
- Advertisement -
