Aventura e re tek Viseel Kobe nis me stil dhe klas për 34- vjeçarin spanjoll Andres Iniesta, që hap kështu llogarinë e sukseseve në klubin japonez pas golit spektakolar që shënoi në ndeshjen ndaj Jubilo Iwata. Mesfushori legjendar nisi një etapë të re në karrierën e tij këtë verë, duke nënshkruar kontratën trevjeçare me ekipin e Vissel Kobe, pas 16 sezoneve me katalanët, ku fitopi 33-trofe çka e kthejnë atë në lojtarin më të dekoruar në historinë e futbollit spanjoll.
Debutimi i Iniestës për Koben ndodhi gjatë muajit të kalur, ku ai u aktivizua në pjesën e dytë të takimit përballë Shonan Bellmare, që përfundoi me rezultatin zhgënjyes 3-0, por pas asaj disfate ikona e mesfushës i riktheu fitoren ekipit të tij pikërisht këtë të shtunë, ku shënoi golin e rëndësishëm në minutën e 15 ndaj Iwatas në fitoren 2-1.
Pas topit të dhënë nga ish-sulmuesi i Arsenalit, gjermani Lukas Podolski, spanjolli performoi një kthesë prej 180 gradësh ndaj mbrojtësit kundërshtar, për të shënuar një gol të mrekullueshëm. Projekti i kësaj skuadre rezultoi bindës dhe intrigues për Iniestën, që vendosi të mbyllë karrierën në Japoni.
https://www.youtube.com/watch?v=wq8y-_JMHlU
