Kryetari i degës së PDK-së në Skenderaj, Sami Lushtaku, ka qëndruar mbrëmë në Komoran.
Aty Lushtaku është pritur nga shumë aktivistë të AKR-së dhe NISMA-s.
Sipas ish-kryetarit të Skenderajt, këta aktivistë të këtyre dy partive e kanë ftuar atë dhe më pas kanë kaluar në PDK.
“Më kërkesë të dhjetëra anëtarëve të deritashëm të Nismas dhe AKR-së në Drenas, sante isha në Komoran me ç’rast bashkëbiseduam për çështje të ndryshme të së mirës së përgjithshme. Këta aktivistë me dëshirën dhe vullnetin e lirë të tyre që nga sot iu bashkuan Partisë Demokratike të Kosovës. Do të punojmë së bashku më qëllim që ta mbajmë PDK-në forcën kryesore në skenën politike të Kosovës. Drenica ka qenë dhe mbetet bastion i pathyeshëm i PDK-së”, ka thënë Lushtaku./Drenicapress.info
