Ish-kryetari i Kuvendit të Kosovës Jakup Krasniqi ka zgjedhur një poezi për t’iu përgjigjur komenteve të Ramiz Lladrovcit kundrejt tij.
Nëpërmjet disa vargjeve të publikuara në Facebook, Krasniqi e quan Lladrovcin ‘debill që deshi të bëhej mbret’ pasi kryetari i Drenasit tha se Krasniqi po tenton të duket si Adem Jashari, Hashim Thaçi apo Kadri Veseli.
Përplasjet e dyshes në mediat sociale nisën pas deklaratave të mëparshme të Krasniqit, i cili mendonte se një njeri që zgjidhet kryetar i komunës ai duhet t’i thërras të gjitha partitë politike në bashkëpunim.
Ai gjithashtu, kishte akuzuar Thaçin e Veselin për raportet me familjen Jashari.
Kjo kishte nxit reagimin e të parit të Drenasit, sipas të cilit, anëtari i Nismës duhet të lë politikën.
Shkrimi i plotë i Krasniqit në Facebook:
EPITAF
U ngut një bandill
Në fakt qe një debill
Që deshi të bëhet mbret
S’diti tjetër pos të pëllet
Shkeli mbi çdo vlerë
Në dimër e në verë
Tek bëri karrierë thuaja
Stolisur me pupla të huaja
Lapidarin aq fort e desh
Por me injorancë u mvesh!
Sa keq për kombin kjo godet Medet!
Medet! Medet!
