Patriarku që menaxhoi fëmijët e tij në muzikë, grupin Jackson 5 dhe vajzën Janet Jackson – por që më pas u akuzua për mizori dhe abuzime – ka vdekur në një spital në Las Vegas
Joe Jackson ka ndërruar jetë, në moshën 89 vjeçare.
Menaxheri i muzikës, dhe babai i 11 fëmijëve, përfshirë superyllin e popit, Michael Jackson, dhe Janet Jacksonin, po trajtohej në një spital në Las Vegas, raporton The Guardian.
Jackson thuhej të ketë qenë në fazat e fundit të kancerit. Ai më parë kishte pësuar një sulm në tru, në Sao Paulo, më 2015, e më pas edhe disa sulme në zemër, transmeton Gazeta Express.
Nipi i tij, Taj Jackson, e ka konfirmuar lajmin për vdekjen e tij, nëpërmjet një “cicërime” në llogarinë e tij në rrjetin social, Twitter, në internet.
Fëmija i tij i katërt, Jermaine, ka thënë për Daily mail, para vdekjes së Jacksonit, se babai i tij ishte munduar t’i ndalonte vizitat nga familja e tij, duke mos dhënë informata për vendndodhjen e tij, dhe për diagnozën e tij.
Ata ishin lejuar ta shihnin atë më 19 qershor. “Askush s’e ka ditur se çfarë po ndodhte”, ka thënë Jackson. /Express/
