Një ngjarje makabre ka ndodhur sot rreth orës 12:00 në fshatin Kolovicë të Prishtinës, ku një burrë ka qëlluar me sakicë e pastaj me armë gruan e tij.
Gruaja ka vdekur në QKUK në tentim për ta shpëtuar, ndërkaq burri ka mbetur i vdekur në vend të ngjarjes nga plumbi që e shkrepi vetë, shkruan gazetametro.net.
Policia e Kosovës e ka konfirmuar ngjarjen për Metron, duke bërë të ditur se dy persona janë konstatuar të vdekur, ndërkaq për detaje të tjera akoma nuk dihet.
Metro ka biseduar me QKUK’në, të cilët e kanë konfirmuar vdekjen e një gruaja 67 vjeçare, e cila nuk kishte mundur t’u mbijetonte plagëve.
“Zyra e informimit e QKUK ju konfirmon se një grua(1951)ka ardhur në gjendje rëndë pa shenja klinike dhe përkundër gatishmërisë së stafit emergjent, për shkak gjendjes së rëndë e njëjta nuk ka arritur të mbijetoi për shkak të plagëve të mëdha që kishte”, ka thënë Shpend Fazliu, zëdhënës i QKUK’së.
Ndërkohë, Policia po qëndron në vend të ngjarjes për të kryer hetime. Motivet e ngjarjes, ndërkaq, akoma nuk dihen.
