Ngushëllime familjes Haradinaj për vdekjen e Hilmi Haradinajt, babait të kryeministrit, ka shprehur edhe hoxha nga Drenasi, Osman Musliu.
Por mulla Osmani tregon se më 24 mars, në ditën e dëshmorëve të Dukagjinit, nuk kishte pasur mundësi të shkonte në Gllogjan, por baca Hilmi i kishte thënë Rifat Jasharit se e kishte marrë malli me pa hoxhën Osman.
Lexojeni të plotë reagimin e Osman Musliut për vdekjen e Hilmi Haradinajt:
Të Zotit jemi dhe tek Ai do të kthehemi!
Herën e fundit me 24 mars 2018 nuk kisha mundësi te isha ne përvjetorin e Dëshmorëve te Dukagjinit dhe ta vizitoja bacen Hilmi ,por morra selamin nga Baci Hilmi përmes Bacit Rifat më kishte thënë se e ka marrë malli të më shoh. Ishte një kohë e shkurtër dhe nuk munda ta vizitoj. Por shpresoj që në botën tjetër Baci Hilmi të ketë kohë të çmallet me të gjithë ata që e kishte marrë malli. Sidomos me evladët që u bënë kurban për këtë liri. Luani e Shkelzeni ishin produkt i edukatës së këtij burri të heshtur nga jashtë por me fortuna e bubullima nga brenda që vetëm Zoti e din mërzinë e tij.
Zoti të shperbleftë bac me të mirat e Tij për çdo gjë që ke bërë për këtë vend. Familjes Zoti sabrin e bacën Hilmi Allahu në xhennet inshallah… Amin
