Afati i sivjetmë kalimtar duket se do të jetë shumë i pasur me transferime nga skuadrat e Vala Superligës. Ndër më aktivet, së paku deri tani, është treguar Feronikeli.
Skuadra nga Drenasi, menjëherë pas vendosi për vazhdimin e bashkëpunimit me trajnerin Sulejman Starova, arriti marrëveshje edhe me futbollistë të njohur, siç janë Përparim Islami, Lapidar Lladrovci, Drilon Lladrovci dhe Mevlan Zeka.
Mirëpo, në “Rexhep Rexhepi” do të luajë edhe një futbollist tjetër i spikatur, i cili sivjet ishte ndër më të mirët në Kampionatin e Kosovës. Artur Magani është përforcimi më i ri i Feronikelit. Sulmuesi durrsak, i cili ka bërë karrierë edhe te Shkumbini, Gramshi, Kamza dhe Teuta e Durrësit, së fundi ishte pjesë e Lirisë për të cilin i shënoi 14 gola.
