Ka vite që familja Salihu, merret me kultivimin e gjedheve. Kujdesi për to bën që fermeri Jetish Saliu nga Kovaqica t’i vaksinojë bagëtitë për çdo vit.
Por, sivjet pikërisht pas vaksinimit nga Agjencia e Ushqimit dhe Veterinarisë atij i ngordhën disa krerë viça.
Dy prej tyre i ngordhën para një dite.
Fermeri nga Mitrovica dyshon se ishte pikërisht vaksinimi nga AVUK solli ngordhjen e kafshëve.
Ai lë fajtorë ministrinë e Bujqësisë e cila sipas tij po i obligon fermerët që të vaksinojnë kafshët e tyre.
Në anën tjetër, Agjencia për Veterinari dhe Ushqim ka thënë për Frontal se nuk është njoftuar për ngordhjen e kafshëve.
Kurdo që fermeri të njoftojë, AVUK sipas tij, do t’i dërgojë inspektorët veterinar për verifikim dhe pastaj merren masat tjera.
Por, Jetishi tanimë ka gjetur një zgjidhje për këtë problem.
- Advertisement -
