Ka përfunduar ndeshja ndërmjet Drenicës dhe Feronikelit, e cila në kuadër të javës së 31-të të Vala Superligës së Kosovës në futboll u zhvillua në stadiumin “Bajram Aliu” në Skenderaj. Ballafaqimi i dy skuadrave fqinje ka përfunduar me barazimin 0:0, megjithëse të dyja palët kanë pasur raste të mira shënimi, sidomos në pjesën e parë.
Për Feronikelin ky është barazimi i 17-të në këtë kampionat, derisa për Drenicën i shtati. Skuadra nga Drenasi ka pasur ambicie shumë më serioze, por befasisht u gjend në pjesën e poshtme të renditjes.
Pas këtij barazimit, Drenica është ngjitur në kuotën e 46 pikëve dhe mbetet në pozitën e gjashtë, ndërsa Feronikeli i ka tubuar 44 pikë. Në javën e ardhshme (e para fundit), Feronikeli në Drenas takohet me Vëllaznimin, ndërsa Drenica është mysafire e Gjilanit.
