Mohamed Salah është një prej lojtarëve më të mirë dhe më të përfolur në botë aktualisht dhe futbollisti i Liverpoolit nuk po ndalet me kaq.
Përveç shkathtësive të tij, të cilat tashmë janë të pakontestueshme dhe të admiruara nga të gjithë, Salah duket se popullaritetin e tij në Egjipt po e fuqizon edhe me karakterin e tij njerëzor.
Kur shihen veprimet e tij humanitare dhe të natyrave tjera, nuk është çudi pse Salah mori 1 milion vota për President të Egjiptit dhe pse atje është i pakontestueshëm.
Veprimi i fundit i tij, po ashtu kë bërë që të fuqizohet reputacioni i tij jashtë futbollit.
S’aha ka vendosur të bëjë një donacion prej hiç më pak se 450 mijë dollarësh, për të blerë tokën ku do të ndërtohet një impiant për pastrimin e ujit dhe furnizimit me ujë të fshatit ku ai ka lindur dhe rajonit përreth.
Kjo do ti mundësojë shumë shpejt, mijëra banorëve qasje në rrjet të ujësjellësit dhe atë në saje të asaj që është angazhimi i radhës i natyrës humanitare për Salah.
