Profesor Milazim Krasniqi ka reaguar në mënyrë jo të drejtëpërdrejt pas deklaratave të fundit të bëra nga kryeministri i cili tha për median serbe se shqiptarët nuk janë myslimanë për nga identiteti, përcjell gazetametro.net.
Profesori Krasniqi ka nxjerr statistikat e dala në vitin 2011, statistika këto që tregojnë numrin e qytetarëve të Kosovës të regjistruar sipas përkatësisë fetare, e ku myslimanët renditen të parët.
Ai në postimin e tij në facebook ka vlerësuar se komentet jashtë shifrave zyrtare janë pahijshme të kota.
‘Numri i qytetarëve të Kosovës, të regjistruar sipas përkatësisë fetare, mars 2011: Myslimanë 1.660.598 ose 95.7 për qind/ Ortodoksë: 25.685 ose 1.5 për qind/Katolikë: 38.223 ose 2.2 për qind/Tjerë: 1.120 ose 0.1 për qind/Jofetarë: 1.209 ose 0.1 për qind/Nuk përgjigjen: 7.077 ose 0.4 për qind. (Komentet jashtë shifrave zyrtare janë punë e pahijshme dhe e kotë. Lufta kundër realitetit mishërohet më së miri me figurën e Don Kishotit. Ai është tragjik, ndërsa duket komik.)’, ka shkruar Krasniqi.
