Bashkimi është kualifikuar për në Final Four të Ligës Ballkanike. Prizrenasit sonte kanë pësuar humbje në udhëtim te Academic Bultex 99 me shifrat 86:94, por duke iu falënderuar fitores me rezultat më të thellë (94:81), është renditur në mesin e katër skuadrave më të mirë të Ligës Ballkanike për këtë edicion, e që njëherësh është suksesi më i madh i Bashkimit në rrafshin ndërkombëtar.
Aaron Moss e Mikaile Tmusic me nga 33 pikë të shënuara ishin më të merituarit për suksesin e Bashkimit, ndërsa pikë dyshifrore (13) pati edhe Frederic Stutz. Në anën tjetër, te skuadra bullgare Dimitar Dimitrov ishte më efikasi me 24 pikë, Martin Durchev i shënoi 21 derisa Isiah Umipig kontribuoi me 14 pikë, por që nuk mjaftuan për t’u kualifikuar në Final Four.
