Personi i cili dje qëndroi para kordonit të Policisë së Kosovës gjatë aksionit për arrestimin e Marko Gjuriq, e më vonë sulmoi njërin nga pjesëtarët e Njësisë Speciale, po raportohet të ketë dalë nga territori i Kosovës.
“Telegraf” i Serbisë mëson nga burimet e veta se personi me xhaketën blu që sulmoi dje pjesëtarët e ROSU-s është në një vend të sigurtë në Serbi, mirëpo lokacioni i tij nuk bëhet i ditur për shkaqe sigurie, dhe për arsye se i njëjti është duke u kërkuar nga Policia e Kosovës.
Personi në fjalë, nga xhirimet e ngjarjes së djeshme ku u arrestua drejtori i të ashtuquajturës zyrës për Kosovën në qeverinë e Serbisë, Marko Gjuriq, kishte sulmuar pjesëtarë të Njësisë Speciale, e më pas nuk ishte dukur në vend të ngjarjes./Lajmi.net/
