Ministrja e Integrimeve Evropiane, Dhurata Hoxha ka thënë se pas liberalizimit të vizave qytetaret nuk mund të shkojnë të studiojnë apo të punojnë në vendet e BE-së.
“Liberalizimi i vizave nuk nënkupton që një qytetarë të shkojë atje të punoj apo të studioj. Dhe për këtë ne do të dalim me informata të cilat e shpjegojnë procesin mbi lëvizjen e qytetarëve”, ka thënë Hoxha në Info Magazine.
Hoxha ka thënë se marrëveshja demarkacionit mes Kosovës dhe Malit të Zi duhet të kalojë në Kuvend me më shumë se 80 vota.
“Marrëveshja e demarkacionit me malin e zi duhet të kalojë jo vetëm me 80 vota, por me më shumë se aq”, ka thënë Hoxha.
Ajo ka thënë se është shumë e bindur se demarkacioni do të kaloj, dhe se sipas saj kjo qeveri do të mbahet mend sepse do të ju mundësoj qytetarëve lëvizjen e lirë.
“Unë jam shumë e bindur se demarkacioni do të kalojë, sepse kurrë nuk kemi qenë më afër se tash për ta kaluar edhe këtë proces. Jam optimiste se kjo qeveri do të mbahet mend, sepse do të ju mundësoj qytetarëve të Kosovës lëvizjen e lire”, ka thënë Hoxha. /Insajderi.com
