Deputeti i NISMA-s, Fatmir Limaj, është shpallur i pafajshëm në rastin e njohur si “Bellanica”.
Ky vendim është marrë nga Gjykata Themelore në Gjakovë, pas një procesi gjyqësor që zgjati më shumë se një vit.
Prokuroria Speciale kishte ngritur aktakuzë ndaj Limajt lidhur me vrasjen e dy civilëve, Ramiz Hoxha dhe Selman Binishi, më dy tetor të vitit 1998, duke konsideruar se përgjegjësia e kryerjes së kësaj vepre konsistonte me përgjegjësinë komanduese të Limajt.
Ndryshe e kishte vlerësuar avokati Tahir Rrecaj, i cili në fjalën përmbyllëse pati thënë se prokuroria për të vërtetuar se ekziston përgjegjësia komanduese është dashur që të vërtetojë dhe zbulojë katër personat që kanë kryer vrasjen.
- Advertisement -
