Pas përfundimit të stinorit vjeshtor, Feronikeli pushtoi të gjitha mediat me dorëheqjen e kryesisë pas presionit të kryetarit të Komunës së Drenasit, Ramiz Lladrovcit.
Ky i fundit ishte arsyetuar se në mungesë të rezultateve kryesia duhet të largohet për t’ia liruar rrugën dikujt tjetër.
Gjithsesi, Lladrovci shpejt arriti të zgjedhë donatorët e rinj të klubit që formuan edhe strukturat udhëheqese.
Ndërkohë, Ismet Munishi u pa si zgjidhje e duhur për të udhëhequr shtabin teknik.
Megjithatë, në tri ndeshjet e stinorit pranveror, ‘Nikli’ ka pësuar dy humbje, teksa ka realizuar një fitore, duke lëshuar kështu nga duart gjashtë pikë me të cilat do t’i printe renditjes, shkruan Gazetasheshi.com.
Sot, Feronikeli pësoi 1:0 nga Liria dhe mbetet në kuotën e 31 pikëve, gjashtë më pak se lideri, Drita.
Mirëpo, duke parë konkurrencën e madhe, atëherë Feronikeli duket të ketë mbetur pak prapa në luftën për titull.
Përveç kësaj, te kampioni i dyfishtë kosovar po mungon edhe disiplina, pasi Behar Maliqi dhe Mendurim Hoti janë ndëshkruar me karton të kuq.
