Nëna e tre fëmijëve që u përfshi në aksidentin e tmerrshëm në Velipojë tashmë është zgjuar dhe është jashtë rrezikut për jetën.
E reja ka kërkuar të shohë djalin e saj vetëm 6 muajsh, i cili ka ndërruar jetë një natë më parë në spitalin e Shkodrës.
“Ku e kam djalin, dua të shoh djalin!”- mësohet të ketë bërtitur e mbijetuara nga aksidenti, pasi mjekë nuk e kanë vënë në dijeni për tragjedinë e ndodhur në familjen e saj.
Ndërkohë banorët janë shprehur se si ky aksident nuk kishin parë prej vitesh. “Kemi parë tmerr me sy,”- janë shprehur banorët.
Aksidenti i tmerrshëm ndodhi mbrëmjen e kaluar në rrugën e plazhit në Velipojë dhe i mori jetën 3 personave të të njëjtës familje.
Edmond Preka po udhëtonte me gruan dhe tre fëmijët e tij.
Një parakalim i gabuar i një fuoristrade bëri që të vdesë Edmond Preka, bebja 6 muajshe dhe vajza tjetër Ajsel, nga e njëjta familje.
