Një rast i lëndimit të lehtë trupor raportohet se ka ndodhur dje rreth orës 19 në fshatin Vragoli në Fushë Kosovë.
“I dyshuari mashkull shqiptar, pas një mosmarrëveshje në mes tyre, i ka shkaktuar lëndime trupore me thikë kolegut të tij të punës viktimës shqiptar”, thuhet në raportin e policisë.
Bëhet e ditur se viktima ka pranuar tretman mjekësor në QKUK, ndërsa i dyshuari është arrestuar dhe pas intervistës me urdhër të prokurorit dërgohet në mbajtje 48 orë.
Në një rast tjetër në fshatin Tërpezë të Vitisë, dje në mesditë dy të dyshuarit meshkuj shqiptarë e kanë sulmuar fizikisht viktimën shqiptar duke i shkaktuar lëndime trupore dhe ia kanë dëmtuar xhamat e traktorit.
Bëhet e ditur se viktimës i është ofruar tretman mjekësor në emergjencën e Gjilanit i cili më vonë është liruar, ndërsa dy të dyshuarit me urdhër të prokurorit dërgohen në mbajtje 48 orë.
